Buxoroda 5 tup terak kesgan fuqaro 18,3 mln so‘m jarima to‘laydigan bo‘ldi

G‘ijduvon tumanida 5 tup terak kesgan fuqaroga 18,3 mln so‘m jarima qo‘llandi.

Buxoro viloyati G‘ijduvon tumanida fuqaroga daraxtlarni noqonuniy kesgani uchun 18 mln 375 ming so‘m jarima qo‘llandi, deya xabar bermoqda viloyat Ekologiya boshqarmasi.

Qayd etilishicha, J.T. o‘zi yashaydigan Qaraxoni mahallasidagi 5 tup manzarali terak daraxtini o‘zboshimchalik bilan kesib tashlagan.

Holat yuzasidan huquqbuzar fuqaroga nisbatan Ma’muriy javobgarlik to‘g‘risidagi kodeksning 79-moddasi 1-qismi (Daraxtlarni, butalarni, boshqa o‘simliklarni va nihollarni qonunga xilof ravishda kesish, kundakov qilish, shikastlantirish, yo‘q qilish yoki boshqa joyga ko‘chirib o‘tkazish) bilan 9 mln 372 ming so‘m jarima hamda tabiatga yetkazilgan 9 mln so‘m zarar hisoblangan.

NOVA24 TikTokʼda. Obuna boʻling
Asosiy yangiliklar va qiziqarli videolar