Buxoroda 433,5 mln so‘mlik elektr o‘g‘irlagan korxona rahbari qo‘lga olindi

Buxoro shahrida 433,5 mln so‘mlik elektr energiyasidan noqonuniy foydalangan MCHJ aniqlandi.

Energiya resurslarini talon-toroj qilinishini fosh etishga qaratilgan nazorat tadbirlari davom etmoqda. Bu haqda Bosh prokuratura matbuot xizmati xabar berdi.

Maʼlum qilinishicha, Buxoro shahridagi “B.B.C” MCHJ rahbari B.I. ko‘p qavatli savdo va maishiy xizmat ko‘rsatish kompleksida qurilish ishlari uchun elektr energiyasini umumiy foydalanishdagi elektr tarmog‘iga noqonuniy ulab, davlat va jamiyat manfaatlariga 433,5 mln so‘mlik zarar yetkazgan.

Mazkur holat yuzasidan “B.B.C” MCHJ rahbari B.I.ga nisbatan Jinoyat kodeksining 169-moddasi (o‘g‘irlik), 4-qismi “a” bandi bilan jinoyat ishi qo‘zg‘atilib, gumonlanuvchi shaxs protsessual tartibda ushlangan.

NOVA24 Instagramʼda. Obuna boʻling
Asosiy yangiliklar va qiziqarli videolar