Bahodir Jalolov navbatdagi jangini fevralda o‘tkazishi mumkin

O‘zbekistonlik professional bokschi Bahodir Jalolov navbatdagi jangini fevral oyida o‘tkazishi mumkin.

Super og‘ir vazn toifasidagi 2 karra Olimpiada chempioni Bahodir Jalolovning navbatdagi jangi bo‘yicha tafsilotlar paydo bo‘ldi.

Unga ko‘ra, charm qo‘lqop ustasi 2025-yilning 6-fevral kuni Kanadaning Monreal shahrida tashkil etiladigan professional boks oqshomi doirasida ringga qaytadi. Jalolovga o‘sha kuni fransiyalik Devid Spilmont raqiblik qilishi mumkin.

Maʼlumot uchun, Bahodir Jalolov professional faoliyati davomida hozirga qadar 14 ta jang o‘tkazib, ularning barchasida g‘alaba qozongan. So‘nggi jangini 2023-yil 17-noyabr kuni JAR vakili Kris Tompsonga qarshi o‘tkazib, ilk raunddayoq nokaut orqali g‘alaba qozongan edi.

Uning ehtimoliy raqibi Devid Spilmont esa shu kungacha 27 ta jang o‘tkazib, 16 g‘alaba, 8 mag‘lubiyat va 1 ta durang qayd etgan. G‘alabalarining 11 tasini nokaut orqali qo‘lga kiritgan.

NOVA24 Instagramʼda. Obuna boʻling
Asosiy yangiliklar va qiziqarli videolar