BAA aeroportlarida o‘zbekistonliklar ommaviy hibsga olinmoqda: diplomatlar vaziyatga aralashdi
BAA tomoni o‘tkazilayotgan xalqaro tadbirlar tufayli tekshiruv muddatlari uzayganini ma’lum qildi.
2-iyun kuni ijtimoiy tarmoqlarda BAA aeroportlariga kelayotgan ayrim o‘zbekistonliklar ushlanib qolgani haqida xabarlar tarqaldi. Tashqi ishlar vazirligi holatga munosabat bildirdi.
Ijtimoiy tarmoqlarda o‘zbekistonliklar bir necha soat davomida qattiq tekshirilayotgani va aeroportlarda ushlab turilgani, ko‘pchilik O‘zbekistonga qaytayotgani qayd etilgan.
TIV diplomatlar vaziyatni kuzatib borayotgani va o‘zbekistonliklarning qonuniy huquq va manfaatlarini himoya qilish uchun barcha choralarni ko‘rayotganini ma’lum qildi. O‘zbekistonning Abu-Dabidagi elchixonasi va Dubaydagi Bosh konsulxonasi zudlik bilan ushbu masala bo‘yicha BAAning tegishli tashkilotlari bilan muzokaralar o‘tkazdi va vaziyatni yaxshilash uchun doimiy aloqada bo‘lib turibdi.
BAA tomoni ma’lumotlariga ko‘ra, turli xalqaro tadbirlar o‘tkazilishi munosabati bilan mamlakatda xavfsizlik choralari kuchaytirilishi munosabati bilan aeroportlarda tekshiruv muddatlari uzaytirilmoqda.
Ayni paytda fuqarolarimizni tezkor tekshirish uchun barcha imkoniyatlar safarbar etilib, ularning mamlakatga kirib kelishi boshlandi.
Eslatib o‘tamiz, JCH saralashi oldidan o‘zbekistonliklarning BAAga kirishi rad etilishi mumkin. Besh mingdan ortiq O‘zbekiston fuqarolari sayohat qilishni rejalashtirmoqda, ammo ular uchun stadionda mingdan kam joy ajratilgan.
Izohlar