Ayrim o‘zbekistonliklarga pensiya qayta hisob-kitob qilinadi
O‘zgarishlar kutilmagan bo‘lishi mumkin.
1-iyuldan boshlab I va II guruh nogironligi bo‘lgan shaxslarning pensiyalarini qayta hisoblash Pensiya jamg‘armasiga murojaat qilmasdan, har ikki yilda bir marta avtomatik tarzda amalga oshiriladi, deb xabar beradi Jamg‘arma matbuot xizmati.
Agar fuqaro I va II guruh nogironlik pensiyasi tayinlangandan keyin kamida bir yil ish stajiga ega bo‘lsa, uning pensiyasi har 2 yilda qayta hisoblab chiqiladi. Shuningdek, 1 iyuldan boshlab nogironligi bo‘lgan shaxslar Pensiya jamg‘armasiga murojaat qilishlari shart emas.
Fuqaroning telefon raqamiga pensiya qayta hisoblangani haqida SMS keladi. Telefon bo‘lmasa, ma’lumotlar pochta orqali ham yuboriladi. Bunda, mehnat staji va ish haqi to‘g‘risidagi ma’lumotlar tegishli tashkilotlarning ma’lumotlar bazalaridan avtomatik tarzda olinadi va pensionerdan hech qanday hujjat yoki ma’lumot talab etilmaydi.
Mavzuga doir: Pensiyalar, ustamalar, xususiy sektor: 1-iyuldan o‘zbekistonliklarni nimalar kutmoqda? NOVA24.uz tahririyati mamlakatdagi eng muhim o‘zgarishlarni eslab o‘tadi.
Izohlar