Автобусда ёнидаги аёлга тегажоғлик қилган 45 ёшли эркак 15 суткага қамалди
У Термиздан Тошкент шаҳрига келаётган автобусда ёнида ўтирган аёл ухлаб қолганидан фойдаланиб, унга шилқимлик қилган. Эркак судда қўли бехосдан аёлга тегиб кетганини айтган.
![Автобусда ёнидаги аёлга тегажоғлик қилган 45 ёшли эркак 15 суткага қамалди](https://nova24.uz/uz/wp-content/uploads/2024/04/2024-04-20-14.44.56.jpg)
19 апрель куни Жиноят ишлари бўйича Чилонзор тумани судида шаҳвоний шилқимлик қилиш билан боғлиқ иш кўриб чиқилди.
Суд ҳужжатида келтирилишича, ҳолат 2023 йилнинг 15 ноябрь куни содир бўлган. 1979 йилда туғилган А.Р. Термиз шаҳри автовокзалидан Тошкент шаҳрига келаётган автобуснинг ичида бўла туриб, ёнида ўтирган аёлнинг ухлаб қолганидан фойдаланган ҳолда унга тегажоғлик қилган. Уйғониб кетган аёл унга қаршилик кўрсатган, эркак эса у билан жанжаллашиб, автовокзалда оммани ўзига қаратган.
Судда сўроқ қилинган ҳуқуқбузар эркак аёлга қўли тегиб кетганини, ҳозирги кунда қилган ишидан пушаймонда эканлигини айтиб, унга нисбатан енгиллик беришни сўраган.
Аёл эса автобусда ёнидаги ўриндиқда ўтирган А.Р. у ухлаб қолганидан фойдаланиб, кийимини ечиб, кўкрак қисмига тегажоғлик қилганини, шундан сўнг уйғониб кетганлиги ва ҳайдовчига ҳолатни билдирганини, эркак у билан жанжаллашиб, ҳақорат қилганлигини айтиб кўрсатма берган. Жабрланувчи ушбу ҳолат 2023 йил 15 ноябрь куни содир бўлганига қарамасдан ИИО ходимлари А.Р.га нисбатан қонуний чора кўришмаганлигини маълум қилган.
Суд қарорига кўра, А.Р. Маъмурий жавобгарлик тўғрисидаги кодекснинг 183-моддаси (майда безорилик) ва 41-1-моддасида (шаҳвоний шилқимлик) назарда тутилган ҳуқуқбузарликларни содир қилган деб топилган. Унга нисбатан 15 сутка маъмурий қамоқ жазоси тайинланган.
Мавзуга оид хабарлар:
Adolatsiz qaror chiqargan sudyaga sud hukmi o‘qildi Isroil elchisiga nisbatan salbiy izoh yozgan fuqaro qamaldi “Baxti Tashkentskiy” ishi doirasida sudlanganlardan biri vafot etgani aytilmoqda Toshkent viloyatida 10 yoshli qizini sotmoqchi bo‘lgan ayolga sud hukmi o‘qildi O‘zbekistonda 6 oyda qancha fuqaro ozodlikdan mahrum qilingani ochiqlandi
Soʻnggi yangiliklar
![O‘zbekistonda dam olish kunlari ham jazirama harorat saqlanib qoladi](https://nova24.uz/uz/wp-content/uploads/2024/07/photo_2024-07-26_17-31-05-300x200.jpg)
![Toshkentda yana quvur yorilib, ko‘chalarni suv bosdi](https://nova24.uz/uz/wp-content/uploads/2024/07/4BePN8LQOdsc6S1eFWskzxGd4jNuHaco-300x200.jpg)
![Toshkentda qo‘pol ravishda qoida buzgan avtobus haydovchisi ishdan olindi](https://nova24.uz/uz/wp-content/uploads/2024/07/BFmY55DY73MW1o1Pm5XhWQjB7-moASuh-300x218.jpg)
![O‘zbekistonda elektromobillar importi uchun bojlarni qayta tiklash taklif qilindi](https://nova24.uz/uz/wp-content/uploads/2024/07/image_2024-07-26_16-22-29-300x188.png)
![Anhor bog‘ida rejalashtirilgan “lenta-shou” bekor qilindi](https://nova24.uz/uz/wp-content/uploads/2024/07/image_2024-07-26_15-21-56-300x167.png)
![Toshkent viloyatida keskin manyovr qilgan BMW Tracker’ga borib urildi](https://nova24.uz/uz/wp-content/uploads/2024/07/OAsB4x2_23bYac4A8mkLtdJScQtXn_vI-300x200.jpg)
![Respublika YHXBB tomonidan o‘tkazilgan tenderda qonunbuzilish holati aniqlandi](https://nova24.uz/uz/wp-content/uploads/2024/07/image_2024-07-26_14-28-59-300x169.png)
![Adolatsiz qaror chiqargan sudyaga sud hukmi o‘qildi](https://nova24.uz/uz/wp-content/uploads/2024/07/photo_2024-07-26_13-41-45-300x172.jpg)