![Andijonda tadbirkorga kredit bermagan bankdan 200 mln so‘m undirildi](https://nova24.uz/uz/wp-content/uploads/2024/09/2024-09-06-20.26.03-lMSaXPr9-300x196.jpg)
Қашқадарёда 14 ёшли қиз жинсий қулликда сақлаб келингани айтилмоқда
Болалар омбудсманига Китоб туманида яшовчи 14 ёшли қиз Шаҳрисабзда 7 ой мажбуран сақланиб, турли шахслар билан жинсий алоқа қилишга ёллангани ҳақида мурожаат келиб тушган. Гумонланувчига нисбатан жиноят иши қўзғатилди.
![Қашқадарёда 14 ёшли қиз жинсий қулликда сақлаб келингани айтилмоқда](https://nova24.uz/uz/wp-content/uploads/2023/11/2023-11-25-12.44.53.jpg)
Қашқадарё вилояти Шаҳрисабз туманида 14 ёшли қиз 7 ой давомида мажбуран сақланиб, турли шахслар билан жинсий алоқа қилишга мажбурлаб келинган бўлиши мумкин. Бу бўйича 24 ноябр куни болалар омбудсманига мурожаат келиб тушган.
Омбудсманга вилоятнинг Китоб туманида яшовчи вояга етмаган (2009 йилда туғилган) Ч.Т. мурожаат қилган. Унда бу қиз 2023 йилнинг май ойидан 15 ноябрга қадар Шаҳрисабз тумани Хўжабоғ қишлоғида яшовчи фуқаро Н.А.нинг уйида зўрлик ва таҳдид орқали турли шахслар билан жинсий алоқа қилишга мажбурлангани ҳақида сўз борган.
Болалар омбудсмани бу ҳолат тўғрисида Бош прокуратурага мурожаат қилди. «Вилоят прокуратураси 24 ноябрь куни ҳодисани ўрганишни бошлади. Китоб тумани прокурори томонидан фуқаро Н.А.га нисбатан Жиноят кодексининг 135-моддаси 3-қисми „а“ банди (18 ёшга тўлмагани айбдорга аён бўлган шахсга нисбатан одам савдоси) билан жиноят иши қўзғатилиб, тергов гуруҳи тузилди ва тезкор равишда тергов ҳаракатларига киришилди», — дейилади хабарда.
Жиноят иши Бош прокуратура ва болалар омбудсманининг алоҳида назоратида экани таъкидланди. «Болаларга нисбатан бундай мудҳиш жиноятни содир этган ҳар қандай шахс қонун олдида жавоб бериши шарт. Бу оғир жиноятнинг қурбони бўлган боланинг манфаатлари тўлиқ равишда таъминланади», дея қўшимча қилинади баёнотда.
Soʻnggi yangiliklar
![Andijonda tadbirkorga kredit bermagan bankdan 200 mln so‘m undirildi](https://nova24.uz/uz/wp-content/uploads/2024/09/2024-09-06-20.26.03-lMSaXPr9-300x196.jpg)
![Uch yildan beri qidiruvda bo‘lgan o‘zbekistonlik ayol Turkiyadan deport qilindi](https://nova24.uz/uz/wp-content/uploads/2024/09/image_2024-09-07_15-28-47-300x165.png)
![Jizzaxda o‘zganing nomiga onlayn kredit rasmiylashtirgan soxta bank xodimi ushlandi](https://nova24.uz/uz/wp-content/uploads/2024/09/photo_2024-07-24_22-40-46-300x194.jpg)
![Roʻza Qoʻziyeva Paralimpiyada kumush medaliga ega chiqdi](https://nova24.uz/uz/wp-content/uploads/2024/09/image_2024-09-07_16-42-06-300x180.png)
![Toshkentda aksiz markasiz alkogol mahsulotlari savdodan olindi](https://nova24.uz/uz/wp-content/uploads/2024/09/image_2024-09-07_13-38-11-300x191.png)
![Paralimpiyada. Oʻzbekistonning oltin medallari soni 10 taga yetdi](https://nova24.uz/uz/wp-content/uploads/2024/09/photo_2024-09-07_15-08-16-300x185.jpg)
![Ohangaron va Namanganda elektrdan noqonuniy foydalanish holatlari aniqlandi.](https://nova24.uz/uz/wp-content/uploads/2024/09/iu-vyNzpT_--300x168.jpg)
![Ayrim o‘qituvchilarga kabinet mudirligi uchun ham qo‘shimcha haq to‘lanadi](https://nova24.uz/uz/wp-content/uploads/2024/09/image_2024-09-07_13-18-12-300x169.png)