AQSH O‘zbekiston suv resurslarini o‘rganadi
Shuningdek, suv toshqinlari va sel xavfini baholash rejalashtirilgan.
Qo‘shma Shtatlar Geologiya xizmati O‘zbekistondagi daryolarning suv rejimini o‘rganish uchun pudratchilarni jalb qilishni rejalashtirmoqda, deb yozadi RT.
Idorani mintaqadagi gidrologik xususiyatlar, jumladan, qor qoplamining dinamikasi qiziqtiradi. AQSH hukumati geologlari mahalliy sug‘orish infratuzilmasining muhim qismi bo‘lgan Qashqadaryo daryosiga alohida qiziqish bildirmoqda.
AQSH Davlat departamenti tarkibiga kiruvchi Geologiya xizmati O‘zbekistonda ikkita loyihani amalga oshirish uchun pudratchilarni jalb qilishni rejalashtirmoqda: O‘zbekistonning yer usti suvlari va qor qoplami bo‘yicha ilmiy tahlil, shu jumladan suv toshqinlari va sel xavfini baholash, shuningdek, jarayonning mavsumiy dinamikasi bilan Qashqadaryo daryosi o‘zani manbalarini o‘rganish.
Ikkala loyiha ham O‘zbekiston hukumatining suv resurslarini baholash sohasidagi ilmiy-texnik salohiyatini rivojlantirishga qaratilgan. O‘zbekiston hukumati huzuridagi olimlar va muhandislar, shuningdek, universitet talabalari tajriba almashish uchun gidrologik tadqiqotlar uchun AQSH Geologiya xizmati faoliyati bilan tanishishlari kerak bo‘ladi.
Avvalroq Donald Trampga Afg‘onistonning Qo‘shtepa kanalini yashirincha qo‘llab-quvvatlashni maslahat berishgandi. Loyiha butun mintaqa uchun fojiaga aylanishi mumkin, O‘zbekiston hukumati Islom Amirligi bilan qarama-qarshilikdan qochmoqda va Suv xo‘jaligi vazirligi rahbarining so‘zlariga ko‘ra, «O‘zbekistonni xafa qilmaydigan» suv taqsimoti bo‘yicha shartnoma tuzish tarafdori.
Izohlar