Andijonning ikki tumanida 966 mln so‘mlik gazdan noqonuniy foydalanildi

Hozirda mazkur holatlar yuzasidan jinoyat ishlari qo‘zg‘atilib, tergov harakatlari o‘tkazilmoqda.

Andijon viloyatida 966 mln so‘mlik energiya resurslaridan noqonuniy foydalanish holatlari aniqlandi. Bu haqda “O‘zenergoinspeksiya” axborot xizmati xabar berdi.

Ma’lum qilinishicha, viloyatning Baliqchi tumanida faoliyat yurituvchi “T.T.” MChJ mas’ul shaxslari to‘g‘ridan to‘g‘ri tarmoqqa ulab, 630 mln so‘mlik tabiiy gazdan noqonuniy foydalangan.

Shuningdek, Andijon tumani “B.Ch.” va “O.R.” xususiy korxonalari mas’ul shaxslari tarmoqqa o‘zboshimchalik bilan ulab, 366 mln so‘mlik tabiiy gazdan noqonuniy foydalangan.

Hozirda mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.

NOVA24 Telegramʼda. Obuna boʻling
Tezkor xabarlar va asosiy voqealar