Andijondagi masjidda gaz portladi. Dastlabki maʼlumotlar ochiqlandi

Hodisa sodir boʻlgan joyga viloyat hokimi Shuhratbek Abdurahmonov boshchiligida barcha mutasaddi masʼullar yetib kelgan, hozirda vaziyat toʻliq nazoratga olingan.

Andijon viloyati Izboskan tumanida joylashgan masjidda gaz portladi. Bu haqda FVV xabar berdi.

Maʼlum qilinishicha, Izboskan tumani “Mirzo Ulugʻbek” MFY hududida joylashgan masjidlaring birida havo-gaz aralashmasining chaqnashi sodir boʻlgani haqida Andijon viloyati FVBga xabar kelib tushgan.

Hodisa sodir boʻlgan joyga viloyat hokimi Shuhratbek Abdurahmonov boshchiligida barcha mutasaddi masʼullar yetib kelgan, hozirda vaziyat toʻliq nazoratga olingan.

Dastlabki maʼlumotlarga koʻra, 6 nafar fuqaro tan jarohati olgan. Qoʻshimcha maʼlumotlar maʼlum qilinadi. 27-mart kuni soat 21:50 larda Toshkent viloyatining Yangiyoʻl tumanidagi xonadonda gaz portlagan edi.

Chaqnash oqibatida 5 qavatli uyning 3 ta qavat oynalari singan. Ushbu koʻp qavatli uy toʻliq bitkazilib topshirilmagani sababli bu yerda fuqarolar yashamasligi aniqlandi.

Yangiyoʻl tumani hokimligining “Daryo” soʻroviga koʻra aniqlik kiritishicha, er-xotin hali foydalanishga topshirilmagan xonadonda olib borayotgan taʼmirlash ishlarini koʻzdan kechirish uchun kirib, “svet”ni yoqqanida portlash yuz bergan.

NOVA24 Telegramʼda. Obuna boʻling
Tezkor xabarlar va asosiy voqealar