Andijonda sex tashkil qilgan fuqaro 6,7 mlrd soʻmlik tabiiy gazdan noqonuniy foydalandi

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.

Andijon shahrida alyumin mahsulotini qayta ishlab chiqarish sexi 6,7 milliard soʻmlik tabiiy gazdan noqonuniy foydalangani aniqlandi.

Xabar berilishicha, holat “Oʻzenergoinspeksiya” Andijon viloyati hududiy boshqarmasi va huquqni muhofaza qiluvchi organlar bilan hamkorlikda oʻtkazilgan nazorat tadbirida aniqlangan.

Andijon shahrida faoliyat yuritayotgan “B.S.Z.” MCHJ huddudida fuqaro Y.A. ijara asosida alyumin mahsulotini qayta ishlash sexi tashkil etib, hujjatlarsiz, toʻgridan toʻgʻri gaz tarmogʻiga ulangan.

Ushbu qoidabuzarlik holati boʻyicha dalolatnoma rasmiylashtirilib, dastlabki hisob-kitoblarga koʻra, davlat manfaatlariga 6 milliard 782 million soʻm zarar yetkazilgani maʼlum boʻldi. Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.

NOVA24 YouTubeʼda. Obuna boʻling
Asosiy yangiliklar va qiziqarli videolar