Andijonda qutqaruvchilar xonadonga “noqonuniy koʻchib kelgan” ilonni qoʻlga oldi

Mutaxassislar jonivorni tutib olib, jabrlanganlarni uydan olib chiqishgan.

Andijon viloyatida FVV xodimlari xonadoniga ilon kirib olgan fuqaroni qutqarib qoldi, deb xabar bermoqda FVV matbuot xizmati.

Maʼlumotlarga koʻra, voqea 7-aprel kuni Buloqboshi tumani “Sarbontepa” MFY Suxon koʻchasida joylashgan xonadonlardan birida sodir boʻlgan. Jabrlanganlarning uyiga ilon kirgan, shu sababli aholi ichkariga kirishga qoʻrqqan va qutqaruvchilarni chaqirgan.

Mutaxassislar uzunligi bir metrga yaqin boʻlgan sudralib yuruvchini tutib, maxsus konteynerga joylashtirgan va jabrlanganlarni uydan olib chiqqan.

NOVA24 YouTubeʼda. Obuna boʻling
Asosiy yangiliklar va qiziqarli videolar