Andijonda o‘zganing nomiga onlayn kredit rasmiylashtirgan shaxs ushlandi
Andijon viloyatida o‘zganing nomiga 21,5 mln so‘m onlayn kredit rasmiylashtirgan shaxs qo‘lga olindi.
Xorazm viloyatida yashovchi O.S. ichki ishlar organiga murojaat qilib, ularning nomiga nomaʼlum sabablarga ko‘ra 21,5 mln so‘m onlayn kredit olinib, pullari o‘zlashtirilganligini maʼlum qilgan. Bu haqda Kiberxavfsizlik markazi xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida, mazkur jinoyatni Andijon viloyatida yashovchi Q.B. sodir etganligi aniqlangan.
Gumonlanuvchi sifatida tergov organlariga jalb etilgan Q.B. jabrlanuvchi O.S. bilan Telegram orqali tanishib, unga Uzum Nasiya platformasi orqali onlayn kredit olib berishini aytgan.
So‘ng uning nomidan ro‘yxatdan o‘tib, 21,5 mln so‘m kredit mablag‘ini rasmiylashtirib, pullarni o‘zining bank kartasiga o‘tkazib olgan.
Mazkur holat yuzasidan Q.B.ga nisbatan Jinoyat kodeksining 168-moddasi (firibgarlik) 1-qismi bilan jinoyat ishi qo‘zg‘atildi.
Мавзуга оид хабарлар:
Toshkentda soxta savdogar fuqaroni 22 mln so‘mga chuv tushirdi Namanganda o‘zganing nomiga 40 mln so‘m kredit rasmiylashtirgan shaxs ushlandi Samarqand va Xorazm viloyatlarida “valyutchik”lar ushlandi Namanganda oʻzganing behayo rasmlarini tarqatishini aytib pul talab qilgan shaxs ushlandi Xorazmda qariyb 240 mln so’mlik dorilarning noqonuniy savdosi fosh qilindi