Andijonda nosozlik sabab Matiz yonib ketdi

Yong‘in oqibatida tan jarohati olgan fuqarolar yo‘q, transport vositasi moddiy zararlangan.

Andijon shahrida harakatlanib ketayotgan Matiz yonib ketdi. Bu haqda viloyat IIB Yo‘l harakati xavfsizligi boshqarmasi xabar berdi.

O‘tkazilgan surishtiruv ishlariga ko‘ra, kecha, 12 yanvar kuni soat 17:02 larda 1985 yilda tug‘ilgan E.Z.ga tegishli Matiz rusumli avtotransport vositasi Andijon shahar Pirmuhammedov ko‘chasida harakatlanib ketayotgan vaqtida transport vositasining elektr qismidagi nosozlik sabab salon qismida yong‘in kelib chiqqan.

“Ushbu yong‘in shahar FVB xodimlari tomonidan o‘z vaqtida bartaraf etilgan. Yong‘in oqibatida tan jarohati olgan fuqarolar yo‘q, transport vositasi moddiy zararlangan”, deyiladi xabarda.

NOVA24 Telegramʼda. Obuna boʻling
Tezkor xabarlar va asosiy voqealar