11 Iyul 2024, 10:09 •Oʻzbekiston

Andijonda boshqaruvni yoʻqotgan Tracker zovurga tushib ketdi

Hodisa oqibatida avtomashinaning oldi oʻrindigʻida ketayotgan yoʻlovchi tan jarohati olib, shahar shifoxonasiga murojaat qilgan.

Telegram messenjerida tarqalgan yoʻl-transport hodisasi yuzasidan Andijon viloyati IIB Yoʻl harakati xavfsizligi boshqarmasi maʼlumot berdi.

Qayd etilishicha, 10-iyul kuni soat 23:30 larda haydovchi 28 yoshli U.Sh. oʻzining Tracker rusumli transport vositasini boshqarish davomida, tezlikni meʼyoridan oshirib yuborishi oqibatida rul boshqaruvini yoʻqotgan va qatnov qismidan chiqib ketib, zovurga tushib ketgan.

Hodisa oqibatida avtomashinaning oldi oʻrindigʻida yoʻlovchi sifatida ketayotgan 20 yoshli T.A. tan jarohati olib, shahar shifoxonasiga murojaat qilgan. Hozirda mazkur holat yuzasidan Andijon tumani IIB YHXG xodimlari tomonidan surishtiruv ishlari olib borilmoqda.