Andijonda 620 mln so‘mlik elektrdan noqonuniy foydalangan sex aniqlandi

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.

“Oʻzenergoinspeksiya” Andijon viloyat hududiy boshqarmasi, viloyat prokuraturasi va elektr taʻminoti korxonasi bilan hamkorlikda nazorat tadbiri oʻtkazildi.

Unda, Qoʻrgʻontepa tumanida joylashgan “Z.T.I.” MChJga qarashli tikuvchilik sexida oʻzboshimchalik bilan tarmoqqa ulanib, elektr energiyasidan noqonuniy foydalanilgani aniqlandi.

Ushbu qoidabuzarlik natijasida, dastlabki hisob-kitoblarga koʻra, energiya taʻminoti korxonasiga 621,6 mln soʻmlik zarar yetkazilgani maʻlum boʻldi.

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.

NOVA24 Telegramʼda. Obuna boʻling
Tezkor xabarlar va asosiy voqealar