Andijonda 612 mln so‘mlik energiya resurslaridan noqonuniy foydalanish holati aniqlandi
Andijon viloyatida ikki holatda jami 612 mln so‘mlik “svet”dan noqonuniy foydalanish holati fosh qilindi.
Andijon tumanida energiya resurslariga noqonuniy ulanish holatlari fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, Andijon tumanida “A” MChJ masʼul shaxslari va boshqalar o‘zaro til biriktirib, g‘isht mahsulotlari ishlab chiqarishda “Beshpahlavon” MFYdagi nasos stansiyasi hududida suv nasosini tijorat maqsadida umumiy foydalanishdagi elektr tarmog‘iga to‘g‘ridan to‘g‘ri ulagan. Natijada 411,4 mln so‘mlik elektr energiyasidan noqonuniy foydalanilgan.
Shuningdek, “V.k.” MChJ masʼul shaxslari va boshqalar MChJning Andijon tumani, “Otchopar” MFY hududidagi suv nasosini umumiy foydalanishdagi elektr tarmog‘iga to‘g‘ridan to‘g‘ri ulab, 200,6 mln so‘mlik elektr energiyasidan noqonuniy foydalangan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
Мавзуга оид хабарлар:
Namangandagi MChJ qariyb 192 mln so‘mlik “svet”dan noqonuniy foydalangani aniqlandi Andijonda reklama banneri ilayotgan shaxsni kuchli tok urdi Ikki viloyatda energiya resurslaridan noqonuniy foydalanganlar 250 mln so‘mdan ziyod zarar yetkazdi Andijondagi shifoxonada ikki ayol o‘zaro janjallashdi Toshkentda o‘zganing nomiga kredit olib, pullarni o‘zlashtirgan shaxs ushlandi