Andijon shahri sobiq hokimi yangi lavozimida bir hafta ham ishlamadi

Yangi lavozimga tayinlangan Dilmurod Rahmatullayev bir hafta o‘tmay ishdan bo‘shatildi.

Joriy yilning 17 avgust kuni Andijon shahar obodonlashtirish bo‘limi boshlig‘i lavozimga tayinlangan shaharning sobiq hokimi Dilmurod Rahmatullayev bir necha kun o‘tib, ishdan bo‘shatildi. Bu haqda Kun.uz xabar berdi.

Ishdan bo‘shatilgani rost. Biroq bunga nima sabab bo‘lganidan xabarim yo‘q. Birozdan keyin ishdan bo‘shatilish sabablarini aniqlab aytaman, deydi hokimlik matbuot xizmati vakili.

Ma’lumot uchun, Dilmurod Rahmatullayev ta’lim tizimida turli lavozimlarda ishlagan. Bir muddat viloyat xalq ta’limi boshqarmasini boshqargan. 2016—2019-yillarda Andijon shahriga hokimlik qilgan.

NOVA24 Telegramʼda. Obuna boʻling
Tezkor xabarlar va asosiy voqealar