Aktrisa Halima Ibragimova vafot etdi

Qandli diabet kasalligi bilan kurashib kelayotgan Halima Ibragimova 45 yoshida olamdan o‘tdi.

Komik aktrisa, “Mirzo” teatri a’zosi Halima Ibragimova 7-dekabr kuni vafot etdi. Bu haqda Mirzabek Holmedovning o‘g‘li Ulug‘bek Holmedov va O‘zbekiston xalq artisti Yulduz Usmonova o‘z Instagram sahifalarida ma’lum qildi.

Halima Ibragimova 1979-yili Toshkentda tug‘ilgan. Uning ikki farzandi bor. Aktrisa Toshkent davlat san’at instituti drama aktyorligi bo‘limida tahsil olgan.

Avvalroq u sog‘lig‘idagi muammolar tufayli ijtimoiy tarmoqlarda ko‘rinmay qolgandi va “sog‘lig‘ida ozgina muammo bo‘lgani, davolanish ishlari davom etayotganini” aytgandi.

NOVA24 Instagramʼda. Obuna boʻling
Asosiy yangiliklar va qiziqarli videolar