Давлат кадастрлар палатаси Олмалиқ шаҳар филиали бош муҳандиси ушланди
15:43 · 29.11.202310:24 · 18.11.2023 Ўзбекистон
Айрим товарларни реализация қилишга доир айланма ҚҚСдан озод қилинади
2028 йил 1 январга қадар бюджет ташкилотлари, давлат корхоналари ҳамда давлат улуши 50 фоиз ва ундан ортиқ бўлган юридик шахслар товарларни (хизматларни) реализация қилишга доир айланмаси, шунингдек улар импорти ҚҚСдан озод қилинади.
Президент Шавкат Мирзиёев 16 ноябр куни халқаро молия институтлари ва хорижий ҳукумат молия ташкилотлари билан амалга оширилаётган лойиҳаларни янада жадаллаштириш тўғрисидаги қарорни имзолади.
2028 йил 1 январга қадар бюджет ташкилотлари, давлат корхоналари ҳамда давлат улуши 50 фоиз ва ундан ортиқ бўлган юридик шахсларнинг товарларни (хизматларни) реализация қилишга доир айланмаси, шунингдек уларнинг импорти қўшимча қиймат солиғидан озод қилинади.
Бунда, товарлар ижтимоий соҳа ҳамда инфратузилмани ривожлантириш учун халқаро молия институтлари ва хорижий ҳукумат молия ташкилотларидан жалб қилинадиган, давлат ташқи қарзи ҳисобидан тўлиқ ёки қисман амалга ошириладиган лойиҳалар доирасида сотиб олинган бўлиши лозим. Бундан тижорат банклари орқали қайта молиялаштириладиган ёки қайта кредитланадиган маблағлар мустасно. Бир ой муддатда Солиқ кодексига ўзгартиришлар киритиш тўғрисидаги қонун лойиҳасини Вазирлар Маҳкамасига киритиш режалаштирилган.
