15 Iyun 2024, 11:21 •Ўзбекистон
АҚШ ИШИД билан алоқадор уч нафар Ўзбекистон фуқаросига санкциялар киритди
АҚШ Давлат департаменти ИШИДнинг контрабанда тармоғига алоқадорликда гумон қилинган уч нафар Ўзбекистон фуқаросига қарши санкциялар эълон қилди.
АҚШ Туркия ҳукумати билан келишган ҳолда «Ислом давлати» террорчилик гуруҳи (ИШИД) фаолиятига алоқадор шахсларга нисбатан санкциялар жорий қилди, деб хабар бермоқда Давлат департаменти.
ИШИДга алоқадор контрабанда тармоғининг уч нафар аъзосига санкция қўлланди. Булар:
- Муҳаммадюсуф Алишер ўғли Мирзоев — Ўзбекистон фуқароси, 2023 йил ўрталарида ИШИДга алоқадор «ҳарбий» ўқув лагерини ташкил этиш ҳаракатларида қатнашган, дейилади баёнотда. Туркия ҳукумати ҳам Мирзоевга қарши санкциялар киритди;
- Муҳаммад Иброҳимжон Ниязов — Ўзбекистон фуқароси ва ИШИДга алоқадор контрабанда тармоғи тарафдори. АҚШга кўра, Ниязов Туркиядаги ИШИД аъзоларига маъмурий ва логистик ёрдам берган. Туркия ҳукумати ҳам Ниязовга қарши санкциялар киритди;
- Олимхон Махмуджон ўғли Исмаилов — Ўзбекистонда яшайди ва ИШИДга алоқадор контрабанда тармоғига аъзо, дейилади ҳисоботда.
Бундан ташқари, Давлат департаменти «Адам Исламович Олиферчик» номи билан танилган Адам Хамирзаевни ИШИД етакчиси сифатида Глобал террорчилар махсус рўйхатига (SDGT) киритди. Унга қарши ҳам санкциялар жорий қилинди.
Баёнотда айтилишича, ушбу шахсларнинг Қўшма Штатлардаги мулки ёки АҚШ фуқароси эгалиги ёки назорати остида бўлган барча мулк ва активлари блокланади. Туркия ҳукумати Хамирзаев ва ушбу тармоқ аъзоларига қарши «ички чоралар» кўрмоқда, деди Давлат департаменти.
Сўнгги янгиликлар
Паркентда оралиқ масофани сақламаган «КАМАЗ» сабабли 4 та автомобилга зарар етди
26 Iyun 2024, 12:50Ўзбекистон ҳудудларида кучли таъсир қилувчи дорилар муомалага киритилиши олди олинди
26 Iyun 2024, 11:41Тошкентда бир эркак гул дўконида аёлни бўғиб, бошқа эркаклар билан муштлашди
26 Iyun 2024, 11:09Истеъмолга яроқсиз ёғ маҳсулотларини ишлаб чиқариш ҳолатлари аниқланди
26 Iyun 2024, 10:26Нарпай туманида ҳоким алмашди
26 Iyun 2024, 09:53Абдулла Арипов Урумчига ташриф буюрди
25 Iyun 2024, 17:07Фарғонада 1300 доллар эвазига ҳайдовчилик гувоҳномасини олиб бермоқчи бўлган шахс ушланди
25 Iyun 2024, 14:46Депутатлар чет эл фуқароларини номақбул деб топувчи қонунни қабул қилди
25 Iyun 2024, 13:33