4,6 mlrd so‘mlik elektrdan noqonuniy foydalangan fermer xo‘jaligi aniqlandi

Samarqandning Toyloq tumanida 4,6 mlrd so‘mlik elektrdan noqonuniy foydalangan fermer xo‘jaligi aniqlandi.

Samarqand viloyatining Toyloq tumanida joylashgan “S.Sh.O.” fermer xo‘jaligida foydalanilgan elektr energiyasi uchun tabaqalashtirilgan tarif bo‘yicha hisob-kitoblar amalga oshirilmagan. Bu haqda “O‘zenergoinspeksiya” matbuot xizmati xabar berdi.

Maʼlum qilinishicha, buning natijasida taʼminot korxonasiga 4 mlrd 637 mln so‘m zarar yetkazilgan.

Bu kabi holat ushbu tumandagi “P.A.O.” MChJ (537,7 mln so‘m) “P.M.W.” MCHJda (371,3 mln so‘m) ham kuzatilgan.

Mazkur holatlar yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.

NOVA24 Instagramʼda. Obuna boʻling
Asosiy yangiliklar va qiziqarli videolar