2025-yil boshidan buyon o‘zbekistonliklar qariyb 7 mln marta tez yordam chaqirgan.
Ularning mingga yaqini yolg‘on bo‘lib chiqdi.
2025-yil boshidan buyon o‘zbekistonliklar “”103 xizmatiga 7 millionga yaqin qo‘ng‘iroq qilgan, deb xabar bermoqda SSV matbuot xizmati.
Ma’lumotlarga ko‘ra, ushbu davrda kelib tushgan 4 million 992 ming 108 ta qo‘ng‘iroq favqulodda holatlar bilan bog‘liq bo‘lib chiqdi. Yana 1 million 802 ming 348 ta murojaat surunkali kasalliklar, 66 ming 917 tasi bemorlarni tashish, 50 ming 870 tasi tug‘ruq bilan bog‘liq.
Bundan tashqari, mutaxassislar shu vaqt ichida 849 ta qo‘ng‘iroqni ro‘yxatga olishdi, ular yolg‘on bo‘lib chiqdi. Bu ko‘rsatkich 2024-yilning mos davri bilan solishtirilganda 406 taga kamaygan. Yolg‘on qo‘ng‘iroqlar soni bo‘yicha yetakchi Surxondaryo viloyati bo‘lib, u yerdan 177 ta murojaat kelib tushgan.
Ikkinchi va uchinchi o‘rinlarni Qashqadaryo va Samarqand viloyatlari egalladi, ularda mos ravishda 140 va 127 ta yolg‘on murojaat qayd etildi.
Mavzuga doir: O‘zbekistonliklar issiq tufayli necha marta “tez yordam” chaqirgani ma’lum bo‘ldi.
Aksariyat qo‘ng‘iroqlar favqulodda bo‘lgan.
Izohlar