Яна бир инстаблогер қизларга нисбатан зўравонликни тарғиб қилганликда айбланмоқда (видео)

Блогер Асад Алго ижтимоий тармоққа жойлаган видеоларидан бирида кўчадан ўтаётган қизни калтаклаганини кўриш мумкин.

Инстаблогер Асад Алго қизларга нисбатан зўравонликни тарғиб қилганликда айбланмоқда.

Хотин-қизлар ҳуқуқларини ҳимоя қилувчи «НеМолчи» лойиҳаси блогер томонидан юкланган видеога эътибор қаратди.

«Давлатимиз бу борада бирор чора кўряптими? Албатта йўқ. Вояга етмаганларни зўрлаган ҳуқуқ-тартибот ходимларидан нима кутиш керак?

Бундай видеоларни ёқтирадиган ва жўшқин шарҳлар ёзадиган томошабинлардан нимани кутиш керак? Кўпроқ зўравонлик, кўпроқ калтаклаш, кўпроқ қотилликлар. Чунки бу каби видеолар зўравонликни одатий ҳолга айлантиради», дейилади «НеМолчи» хабарида.

Лойиҳа фаоллари мазкур ҳолат юзасидан чора кўришни сўраб Ички ишлар вазирлигига ариза киритган. Аввалроқ худди шундай видео ортида блогер Дониёр Каюмов жаримага тортилганди.

NOVA24 TikTokʼda. Obuna boʻling
Asosiy yangiliklar va qiziqarli videolar