Моргенштерн Ўзбекистонда суратга олинган клипни тақдим этди

Россиялик рэпер Моргенштерн «Чёрний русский» қўшиғи учун олинган клипни тақдим этди. Суратга олиш ишлари собиқ «Чирчикстрой» меҳмонхонаси ва Тошкент вилоятидаги «Физика-Қуёш» институтида бўлиб ўтган.

Россиялик рэпер Алишер Моргенштерн 8 сентябрь куни «Чёрний русский» қўшиғи учун ишланган клипни тақдим этди, у YouTubeʼда 18 соат ичида 2,5 млн марта кўрилди.

Июнь ойида хонанда суратга олиш ишлари учун Ўзбекистонга учиб келган. Видеони яратишда титрларда кўрсатиб ўтилган Бекзод Абдувалиев бошчилигидаги Abstract Visuals видеостудияси иштирок этди.

Съёмка ишлари Romanov Production билан биргаликда олиб борилди, у Егор Крид, Мот, Даня Милохин, Ольга Бузова каби қўшиқчилар учун видеоларни суратга олади. Клип собиқ «Чирчикстрой» меҳмонхонаси, «Физика-Қуёш» институти ҳудудида ва Тошкент вилоятининг тоғли ҳудудларида суратга олинган. Моргенштерннинг айтишича, суратга олиш жараёнида 150 киши қатнашган.

NOVA24 Telegramʼda. Obuna boʻling
Tezkor xabarlar va asosiy voqealar