Бразилияда дунёдаги энг кекса одам вафот этди

У бутун умри давомида чорвачилик билан шуғулланган, бундан атиги тўрт йил олдин от минишни тўхтатган.

Бразилияда дунёдаги энг кекса одам Хосе Паулино Гомес 128 ёшида вафот этди. Бу ҳақда «Daily Mail» хабар бермоқда.

Эркакнинг ёши маҳаллий муниципалитетнинг рўйхатга олиш идораси томонидан 1895 йил 4 август сифатида кўрсатилган ёзувларига кўра аниқланган. Ўлимга полиорган етишмовчилиги сабаб бўлган, шу сабабли у сўнгги кунларда тўшакка михланиб қолгани хабар берилмоқда.

Гомес 28 июль куни Коррего-ду-Кафе шаҳридаги уйида вафот этди. У бутун умри давомида чорвачилик билан шуғулланган, бундан атиги тўрт йил олдин от минишни тўхтатган. «У жуда оддий, жуда камтар эди. Унинг ўзига хослиги шундаки, у ҳар қандай саноатлашган нарсаларни ёқтирмасди, фақат қишлоқда етиштирилган табиий маҳсулотларни истеъмол қилган», — деди Гомеснинг набираларидан бири.

NOVA24 YouTubeʼda. Obuna boʻling
Asosiy yangiliklar va qiziqarli videolar