Xalqaro qidiruvga berilgan o‘zbekistonlik Qirg‘izistonda ushlandi

O‘zbekiston davlat byudjetiga 12 mlrd so‘mdan ortiq zarar yetkazgan shaxs Qirg‘izistonda ushlandi.

Qirg‘iziston Milliy xavfsizlik davlat qo‘mitasi soxta bojxona deklaratsiyasini rasmiylashtirgani uchun Interpol qidiruvida bo‘lgan O‘zbekiston fuqarosini qo‘lga oldi.

Ma’lum qilinishicha, 1992-yilda tug‘ilgan O‘zbekiston fuqarosi 26-iyul kuni ushlangan bo‘lib, u Interpolning o‘ta xavfli jinoyatchilar reyestrida ro‘yxatda turgan.

Qo‘lga olingan shaxs o‘z sheriklari bilan birgalikda soxta bojxona yuk deklaratsiyasini rasmiylashtirish bilan shug‘ullanib, O‘zbekiston davlat byudjetiga 12 milliard so‘mdan ortiq yetkazgan.

Botken tuman sudi qarori bilan Interpol qidiruviga berilgan O‘zbekiston fuqarosi tergov hibsxonasiga joylashtirildi. Ayni paytda tergov harakatlari olib borilmoqda.

NOVA24 Telegramʼda. Obuna boʻling
Tezkor xabarlar va asosiy voqealar