Туркияда зилзила оқибатида йўқолган 2 нафар Ўзбекистон фуқароси топилди

Ҳатай вилоятининг Овакент қишлоғида қидирув-қутқарув ишларини бошланди.

Туркияда табиий офат оқибатида йўқолган 15 нафар Ўзбекистон фуқаросидан 2 нафари топилди. Бу ҳақда Ўзбекистоннинг Туркиядаги Бош консулхонаси хабар бермоқда.

2023 йил 7 февраль 17:00 ҳолатига Туркиядаги табиий офат оқибатида 1 нафар фуқаро вафот этган, 15 нафар ўзбекистонлик қидирилаётган эди, булардан 2 нафари билан алоқа ўрнатилиб, 13 нафарини қидирув ишлари давом этмоқда.

Қайд этилишича, Туркиядаги зилзила оқибатларини бартараф этиш мақсадида сафарбар этилган Ўзбекистон Фавқулодда вазиятлар вазирлиги вакиллари Ҳатай вилоятининг Овакент қишлоғида қидирув-қутқарув ишларини бошлади. Бу ҳудудда асосан 10 мингдан ортиқ этник ўзбеклар истиқомат қилади.

NOVA24 Instagramʼda. Obuna boʻling
Asosiy yangiliklar va qiziqarli videolar