“Tolibon” Afgʻonistonning besh yillik rivojlanish rejasini belgilab oldi

BMT amirlikda ayollar huquqlarini cheklash mamlakat rasmiylariga qimmatga tushishi mumkinligini taʼkidladi.

Mulla Barodar boshchiligidagi “Tolibon” iqtisodiy komissiyasi besh yilga moʻljallangan yangi strategik rejani maʼqulladi, deb yozadi AtlasPress.

Reja iqtisodiyotni rivojlantirish, turmush sharoitlari, boshqa mamlakatlar bilan munosabatlar, atrof-muhitni muhofaza qilish, mineral resurslarni boshqarish, sanoat va savdoni rivojlantirishni oʻz ichiga olgan.

Bu Birlashgan Millatlar Tashkiloti Tolibonning ayollar va ularning bandligiga nisbatan cheklovlarni kuchaytirishi Afgʻoniston iqtisodiyotiga keyingi ikki yil ichida milliard dollarga tushishi mumkinligini aytgan paytda sodir boʻldi.

Bundan tashqari, AQSHda Donald Trampning hokimiyatga kelishi bilan mamlakatning Afgʻonistonga yordami toʻxtatildi va natijada xalqaro gumanitar tashkilotlarning koʻplab loyihalari toʻxtatildi.

NOVA24 TikTokʼda. Obuna boʻling
Asosiy yangiliklar va qiziqarli videolar