Rossiyadagi o‘zbekistonliklar Federatsiya qonunlarini buzmaslikka chaqirildi

Tashqi mehnat migratsiyasi agentligi Rossiyadagi o‘zbekistonliklarni ogohlikka chaqirdi.

Rossiyadagi o‘zbekistonliklar o‘zlarining bank karta va boshqa shaxsiy ma’lumotlarini ishonchsiz shaxslarga bermaslik bo‘yicha ogohlikka chaqirildi. Bu haqda Tashqi mehnat migratsiyasi agentligi xabar berdi.

Unga ko‘ra, Voronejdagi “Pyatyorochka”, Tuladagi “Meros grupp” korxonalarida va Moskva hamda Nijnevartovskda ishlayotgan yurtdoshlar bilan o‘tkazilgan uchrashuvlarda mamlakatda xorijda ishlayotgan fuqarolar, ularning oila a’zolari uchun yaratilgan imtiyoz va imkoniyatlar, qonuniy mehnat migratsiyasining afzalliklari haqida ma’lumot berildi.

Fuqarolar Rossiya qonunlarini buzmaslik, o‘zlarining bank karta va boshqa shaxsiy ma’lumotlarini ishonchsiz shaxslarga bermaslik bo‘yicha ogohlikka chaqirildi.

Shuningdek, Tuladagi “Fresh” korxonasi rahbariyati bilan O‘zbekiston fuqarolarini vaqtincha mehnat faoliyatiga jalb qilish, hamkorlik imkoniyatlari va istiqbollari bo‘yicha muzokara o‘tkazildi.

NOVA24 YouTubeʼda. Obuna boʻling
Asosiy yangiliklar va qiziqarli videolar