Rossiyada qarovsiz qolgan 14 nafar bola O‘zbekistonga qaytarildi

Rossiyada ota-onasi yoki qonuniy vakillarisiz, qiyin vaziyatda qolgan 14 nafar o‘zbekistonlik bola vatanga qaytarildi.

O‘zbekistonning Sankt-Peterburg shahridagi Bosh konsulxona vakillari tomonidan Ichki ishlar va Sog‘liqni saqlash vazirliklari hamda Sankt-Peterburgdagi voyaga yetmaganlarni vaqtincha parvarishlash va saqlash muassasasining mas’ul xodimlari bilan hamkorlikda ota-onasi va qonuniy vakillari yo‘q bo‘lgan, shuningdek, ijtimoiy himoyaga muhtoj 14 nafar bola O‘zbekistonga qaytarildi.

Qayd qilinishicha, aksariyat bolalarning ota-onasi muqaddam Rossiya hududida bo‘lish tartibini buzganligi sababli deportatsiya qilingan. Bosh konsulxonada bolalar uchun qaytish guvohnomalari rasmiylashtirilib, O‘zbekiston Ichki ishlar vazirligi mas’ul xodimlariga topshirilgan.

NOVA24 Telegramʼda. Obuna boʻling
Tezkor xabarlar va asosiy voqealar