Qozog‘istonda ichida 33 nafar o‘zbekistonlik bo‘lgan avtobus YTHga uchradi

Qozog‘istonning Aqto‘be viloyatida yuk mashinasi ichida 33 nafar O‘zbekiston fuqarosi bo‘lgan, Ufa-Samarqand yo‘nalishida ketayotgan avtobus bilan to‘qnashdi. FVV xodimlari fuqarolarni evakuatsiya qildi. Jabrlanganlar yo‘q.

1-mart kuni tunda Qozog‘istonning Aqto‘be viloyatida yuk mashinasi va yo‘lovchi avtobusi to‘qnashib ketdi, deb xabar bermoqda mamlakat Favqulodda vaziyatlar vazirligi.

Vazirlikka ko‘ra, Irgiz qishlog‘idan 40 km uzoqlikda Samara-Chimkent yo‘lining yopiq qismida yuk mashinasi Ufa-Samarqand yo‘nalishidagi yo‘lovchi avtobusi bilan to‘qnashgan.

Xodimlar 33 nafar O‘zbekiston fuqarosini yo‘lning xavfsiz ochiq qismida joylashgan avtobusgacha evakuatsiya qilgan. Jabrlanganlar yo‘q, deyiladi xabarda.

FVV ob-havo sharoiti yo‘llardagi vaziyatni sezilarli darajada murakkablashtirishi mumkinligini eslatdi.

NOVA24 YouTubeʼda. Obuna boʻling
Asosiy yangiliklar va qiziqarli videolar