Qozog‘istonda AES qurilishi bo‘yicha referendum bo‘lib o‘tdi

Referendumda qatnashgan 71,1 foiz fuqaro AES qurilishini yoqlab ovoz berdi.

Qozog‘iston Markaziy komissiyasi AES qurish bo‘yicha respublika referendumida ovoz berishning dastlabki natijalarini e’lon qildi.

Ma’lumotlarga ko‘ra, referendumda ishtirok etish huquqiga ega bo‘lgan Qozog‘iston Respublikasi fuqarolarining umumiy soni 12 million 284 ming 487 kishini tashkil etdi.

Ovoz berishda ishtirok etgan fuqarolar soni 7 million 820 ming 204 kishini yoki referendumda ishtirok etish huquqiga ega bo‘lgan fuqarolarning 63,66 foizini tashkil etdi.

Referendumga qo‘yilgan masalaning ijobiy hal etilishi uchun ovoz bergan (“Ha” javobini tanlagan) fuqarolar soni 5 million 561 ming 937 kishini yoki 71,12 foizni tashkil etdi.

NOVA24 YouTubeʼda. Obuna boʻling
Asosiy yangiliklar va qiziqarli videolar