Qirgʻiziston Moskvadagi hammomda migrantlar qoʻlga olingani uchun Rossiyaga nota yubordi

Qirgʻiziston tomoni tushuntirish berishni va Qirgʻiziston-Rossiya munosabatlariga putur yetkazuvchi holatlarga yoʻl qoʻymaslikni talab qildi.

Qirgʻiziston hammomda qoʻlga olingan qirgʻizistonliklardan soʻng Rossiya hukumatiga rasmiy nota topshirdi, deb xabar bermoqda Qirgʻiziston TIV matbuot xizmati.

Rossiyaning Qirgʻizistondagi elchisi Sergey Vakunovga Moskvadagi hammom majmualaridan birida qirgʻizistonliklarning qoʻlga olinishi munosabati bilan hukumatning rasmiy diplomatik murojaati topshirildi. Rossiya tomoni fuqarolarga nisbatan kuch ishlatish choralarini tushuntirishga va uni qoʻllash asossiz boʻlsa, chora koʻrishga chaqirildi.

Qirgʻiziston fuqarolarining huquqlarini himoya qilish va Qirgʻiziston-Rossiya ittifoqchilik va strategik sheriklik munosabatlariga putur yetkazishi mumkin boʻlgan bunday vaziyatning oldini olish boʻyicha taʼsirchan choralar koʻrish soʻralgan.

NOVA24 Instagramʼda. Obuna boʻling
Asosiy yangiliklar va qiziqarli videolar