Istanbuldan Toshkentga uchgan samolyot Anqara aeroportiga favqulodda qoʻnishni amalga oshirdi. Bu haqda “Uzbekistan Airways” matbuot xizmati xabar berdi.

Qayd etilishicha, bugun, 30-oktyabr kuni HY282 reysi boʻyicha Istanbuldan Toshkentga uchayotgan samolyot bortida boʻlgan yoʻlovchi oʻzini yomon his qilgan. Shu bois samolyot komandiri Anqara xalqaro aeroportiga qoʻnishni soʻragan.

Toshkent vaqti bilan 10:12 da samolyot Anqara shahridagi aeroportga muvaffaqiyatli ravishda qoʻndirilgan. Shundan soʻng tibbiy xizmatlar yoʻlovchini reysdan tushirib, tibbiyot muassasasiga yetkazgan.

Toshkent vaqti bilan 13:20 da samolyot Anqaradan Toshkentga uchib ketdi. Samolyot Toshkent xalqaro aeroportiga 16:10 da yetib kelishi kutilmoqda, deyiladi “UzAirways” xabarida. Transport vazirligi