Eron havo hududini yana 9 soatga yopdi

Erondagi barcha reyslar 6 oktyabr kuni kechqurundan ertasi kunigacha bekor qilindi.

Eron hukumati havo qatnovini yana toʻxtatdi. Butun mamlakat boʻylab parvozlar 6-oktyabr, yakshanba kuni soat 21.00 dan (Toshkent vaqti bilan 22.30) bekor qilindi. Taqiq 7-oktyabr kuni ertalab soat 6.00 (Toshkent vaqti bilan 7.30)gacha amal qiladi, deb xabar bermoqda Eronning Mehr va Isna agentliklari fuqaro aviatsiyasi idorasi vakiliga tayanib.

Bu choraga sabab sifatida “operativ cheklovlar” keltirilmoqda. Qoʻshimcha tushuntirish berilmagan.

Tehron 2-oktyabr kuni Isroilga hujumidan keyin ham xuddi shunday choralar koʻrgan edi. Eron ustidagi havo hududi 48 soatga yopildi. Bundan tashqari, taqiq olib tashlanganidan keyin ham Tehronga va undan xalqaro reyslar amalga oshirilmadi.

NOVA24 Telegramʼda. Obuna boʻling
Tezkor xabarlar va asosiy voqealar