Ўзбекистонга нефть транзити учун Россия Қозоғистонга қанча тўлайди?

2020 йилда Россия нефтининг Ўзбекистонга транзити 354 минг тоннани, 2021 йилда 40 минг тоннани ташкил этган.

«KazTransOil» Қозоғистон ҳудуди орқали Ўзбекистонга транзит учун Россиядан ишлаб чиқарилган нефтни ташиш хизмати учун янги тарифни тасдиқлади.

Янгиланган тариф 2023 йил 1 февралдан кучга киради. Унда айтилишича, ушбу хизмат учун тариф бир тонна учун 27,9 долларни ташкил қилади (ҚҚСсиз).

Жорий тарифлар 2018 йил 1 январдан кучга кирган. Норезидентлар учун Қозоғистон ҳудуди орқали Ўзбекистонга транзит мақсадида Россиядан келиб чиққан нефтни ташиш нархи бир тонна учун 25,12 долларни ташкил этади (ҚҚСсиз).

Унга ушбу йўналиш бўйлаб нефтни қуйиш нархи — 1000 км учун 12,85 доллар (ҚҚСсиз) бир тонна учун 24,28 доллар ва Шағир нефть қуйиш станциясида темир йўл цистерналарига қуйиш тарифи – 1 тонна учун 0,84 доллар (ҚҚСсиз).

NOVA24 YouTubeʼda. Obuna boʻling
Asosiy yangiliklar va qiziqarli videolar