Ўзбекистонда «яшил энергия» сертификати тизими жорий этилади

Битта «яшил энергия» сертификати 1000 кВт/соат электр ишлаб чиқарилганини тасдиқлайди.

«Яшил энергия» сертификатлари тизимини жорий этиш чора-тадбирлари тўғрисида»ги президент қарори қабул қилинди.

Қарорга мувофиқ, электрнинг қайта тикланувчи манбалар асосида ишлаб чиқарилганини тасдиқловчи «яшил энергия» сертификати тизими қуйидаги босқичларда жорий этилади:

• 2023 йил 1 июлдан — «Ўзбекгидроэнерго» АЖдаги гидроэлектр станцияларида ишлаб чиқарилган электр учун;
• 2023 йил 1 октябрдан — қуёш, шамол ва гидроэлектр станцияларида ишлаб чиқарилган электр учун.

Битта «яшил энергия» сертификати 1000 кВт/соат электр ишлаб чиқарилганини тасдиқлайди. «Яшил энергия» сертификатлари тизимини юритиш Иқтисодиёт ва молия вазирлиги томонидан амалга оширилади.

Қайта тикланувчи манбалардан фойдаланишга асосланган генерация объектларининг «яшил энергия» сертификатлари савдосидан тушган даромадлари фойда солиғидан озод этилади.

NOVA24 YouTubeʼda. Obuna boʻling
Asosiy yangiliklar va qiziqarli videolar