30 Aprel 2024, 15:37 •Иқтисод
Ўзбекистонда камбағаллик чегараси янгиланди
Ўзбекистонда 2024 йил май ойидан минимал истеъмол харажатлари миқдори 4,4 фоизга оширилиб, киши бошига 1 ойга 648 минг сўм этиб белгиланди.
1 майдан энергетика соҳасида бозор механизмлари жорий этилаётганлиги сабабли минимал истеъмол харажатлари қиймати бир ойда киши бошига 621 минг сўмдан 648 минг сўмгача оширилади. Бу ҳақда Статистика агентлиги хабар берди.
Маълумот учун, Ўзбекистондаги минимал истеъмол харажатлари миқдори 2021 йилда 440 минг сўмни ташкил этган, 2022 йил январидан бошлаб эса 498 минг сўм деб белгиланганди. Сўнгги марта бу миқдор 2023 йил июл ойида 498 минг сўмдан 568 минг сўмгача, 2024 йилнинг январида эса 568 минг сўмдан 621 минг сўмгача оширилганди.
Жаҳон тажрибасида минимал истеъмол харажатларидан камбағаллик чегараси сифатида фойдаланиш кенг тарқалган бўлиб, мазкур кўрсаткичдан қуйидаги мақсадларда фойдаланилади:
- давлатнинг моддий ва бошқа ижтимоий кўмакларига муҳтож аҳолининг мақсадли (таргет) гуруҳини аниқлаш;
- мамлакатнинг камбағаллик чегарасини белгилашда фойдаланиш ва бунда таргет гуруҳдаги аҳолининг реал истеъмол хусусиятлари ва талабларини инобатга олиш;
- камбағалликка қарши курашиш стратегияси ва дастурларида белгиланган вазифа ва чора-тадбирларнинг натижадорлиги ҳамда манзиллилигини ошириш, шунингдек, уларнинг доимий мониторингини юритиш;
- пенсиялар ва нафақаларнинг энг кам миқдорини белгилаш, шунингдек, камбағал оилаларга бериладиган бошқа турдаги моддий кўмакларни кўрсатишда мезон сифатида.
Сўнгги янгиликлар
Ўзбекистон учун ҳаж квотаси қанча экани маълум бўлди
21 May 2024, 21:57Иброҳим Раисий билан видолашув маросимида Ўзбекистон делегацияси ҳам иштирок этади
21 May 2024, 18:33Юнусободда ниқоб таққан ҳолда дарахт кесган шахслар 5 суткага қамалди
21 May 2024, 17:08Қибрайдаги 6 гектар майдонда чиқинди полигони қурилади
21 May 2024, 16:35Мирзиёев Эрон элчихонасига бориб, ҳамдардлик китобига таскин сўзларини ёзди
21 May 2024, 16:022024 йилда 6 минг гектар ер майдони аукционга чиқарилади
21 May 2024, 15:29Тошкентдаги КҲАЙ ва Қорасарой кўчасининг бир қисми 26 майгача ёпиқ бўлади
21 May 2024, 14:54Ўзбекистон ташқи савдо айланмаси 20,9 млрд долларга етди
21 May 2024, 14:21