Ўзбекистон ЖСТга қўшилиш учун унга аъзо давлатлар билан музокара олиб боради

Ҳозирга қадар ЖСТга аъзо давлатлар режалаштирилган музокараларни ташкил этиш учун барча зарур ҳужжатларни олган.

Инвестициялар ва ташқи савдо вазири Жамшид Хўжаев раислигида Жаҳон савдо ташкилотига аъзо бўлишнинг ҳозирги ҳолати бўйича масалалар муҳокама қилинди.

Маълум қилинишича, ҳозирга қадар ЖСТга аъзо давлатлар режалаштирилган музокараларни ташкил этиш учун барча зарур ҳужжатларни олган.

ЖСТга аъзо давлатлар ва Ташкилот Котибияти билан аввал эришилган келишувларни ўз вақтида амалга ошириш юзасидан икки томонлама музокаралар ва маслаҳатлашувлар ўтказилмоқда.

Тегишли вазирлик ва идоралар раҳбарларига барча зарур ҳужжатларни тайёрлаш ва ЖСТга аъзо давлатлар билан аниқ муддатларда икки томонлама музокараларни якунлаш бўйича индивидуал режалар ишлаб чиқиш топширилди.

NOVA24 Telegramʼda. Obuna boʻling
Tezkor xabarlar va asosiy voqealar