Ўзбекистон Туркия билан имтиёзли савдо соҳасида ҳамкорлик қилади

Инвестиция вазирлиги ва Божхона қўмитаси халқаро шартномани амалга ошириш учун масъул этиб белгиланди.

Шавкат Мирзиёев 22 февраль куни «Халқаро шартномани тасдиқлаш тўғрисида»ги қарорни имзолади.

Қарорга мувофиқ, Ўзбекистон билан Туркия ўртасида имтиёзли савдо тўғрисида битим тасдиқланди. Мазкур битим 2022 йил 29 март куни Тошкент шаҳрида имзоланган.

Инвестициялар, саноат ва савдо вазирлиги ҳамда Божхона қўмитаси ушбу халқаро шартномани амалга ошириш учун масъул бўлган ваколатли органлар этиб белгиланди. Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин Ўзбекистоннинг мажбуриятлари бажарилишини таъминлайди.

NOVA24 YouTubeʼda. Obuna boʻling
Asosiy yangiliklar va qiziqarli videolar