Ўзбекистон ноябрда ҳам энг кўп олтин сотган давлат бўлди

Марказий банк октябр ва ноябр ойларида дунёнинг бошқа мамлакатларига қараганда кўпроқ – 11 тоннадан олтин сотди.

Ўзбекистон Марказий банки ноябрь ойида дунёдаги бошқа молиявий регуляторлардан кўпроқ олтин сотди. Бу ҳақда Жаҳон Олтин Кенгашининг (WGC) ойлик маълумотларида келтириб ўтилган.

Ҳисобот даврида жаҳон марказий банкларининг жами олтин захиралари 44 тоннага ошган. Ноябрь ойида қимматбаҳо металларнинг энг фаол харидорлари Туркия (25 тонна), Польша (19 тонна) ва Хитой (12 тонна) Марказий банклари бўлди.

Мазкур вақтда олтиннинг асосий сотувчиси Ўзбекистон Марказий банки бўлди ва ўз захираларини 11 тоннага қисқартирди. Шунингдек, Қозоғистон Марказий банки томонидан ҳам 3 тонна олтин сотилган.

2023 йил якунларига кўра, Ўзбекистон қимматбаҳо металларни сотиш бўйича Қозоғистондан бироз ортда қолиб, иккинчи ўринни эгаллади. Хитой соф харидлар бўйича етакчи бўлди, ундан кейинги ўринларни Польша ва Cингапур.

Маълумот учун, 2023 йилнинг 11 ойида Ўзбекистон 8,1 млрд доллар қийматидаги олтин сотди. Бу ўтган йилга нисбатан 2,3 баробарга кўп. Шунингдек, 2022 йилда 4,1 млрд долларлик, 2021 йилда 4,1 млрд долларлик, 2020 йилда 5,8 млрд долларлик, 2019 йилда эса 4,9 млрд долларлик олтин сотилган.

NOVA24 Instagramʼda. Obuna boʻling
Asosiy yangiliklar va qiziqarli videolar