«Ўзбекистон 2 йил ичида ЖСТга аъзо бўлмоқчи» — Жамшид Хўжаев

Ўзбекистон Жаҳон савдо ташкилотининг 2026 йил Камерунда бўлиб ўтадиган саммитига қадар ташкилотга аъзо бўлиб кириш жараёнини якунига етказиш ниятида.

Ўзбекистон Жаҳон савдо ташкилотининг 2026 йил Камерунда бўлиб ўтадиган вазирлар конференциясига қадар ушбу ташкилотга аъзо бўлиб киришни режалаштирмоқда.

Жаҳон савдо ташкилоти сайтида хабар қилинишича, Хўжаев бу ҳақда 24 май куни, Ўзбекистоннинг ЖСТга аъзо бўлиши бўйича ишчи гуруҳнинг 8-йиғилишида айтиб ўтган.

«Ўзбекистон Жаҳон савдо ташкилотига аъзо бўлиш мақсадида собит турибди ва бу йўналишда илгарилаш учун мавжуд барча имкониятларни ишга солмоқда», – деган Ўзбекистон делегацияси раҳбари.

Жамшид Хўжаев ишчи гуруҳ аъзоларини Ўзбекистоннинг аъзолик жараёнига «сармоя киритиш ва қўллаб-қувватлаш»га чақирган, уларнинг «ҳамкорлиги, малакаси ва ёрдами» музокаралар муваффақиятли якун топиши учун жуда имуҳимлигин таъкидлаган.

NOVA24 Telegramʼda. Obuna boʻling
Tezkor xabarlar va asosiy voqealar