Январь учун пенсия тўловлари тўлиқ молиялаштирилди

2,6 млн нафар фуқарога талаб этилган маблағларнинг 61 фоизи тўлаб берилди.

Пенсия жамғармаси томонидан январь ойи тўлов рўйхатига киритилган 4,4 млн нафар пенсия ва нафақа олувчилар учун талаб этилган маблағлар тўлиқ молиялаштирилиб берилди.

Ўз навбатида 5 январь ҳолатига 2,6 млн нафар пенсия ва нафақа олувчиларга талаб этилган маблағларнинг 61 фоизи фуқароларга тўлаб берилиши таъминланди.

Жумладан, нақд пульсиз шаклда (банк карталари) пенсия ва нафақа олувчи 2,4 млн нафар фуқароларга пенсия ва нафақа пуллари уларнинг банк пластик карталарига тўлиқ юклаб берилди.

нақд шаклда пенсия ва нафақа олувчи фуқароларнинг 183 минг нафарига ёки жорий ойда тўланиши лозим бўлган маблағларнинг 10 фоизи Халқ банкининг сайёр кассалари томонидан фуқароларга етказиб берилди.

«Амалдаги қонунчилик талабларига мувофиқ пенсия ва нафақа пулларини нақд шаклда олувчиларга жорий ой тўловлари тасдиқланган графикларга асосан Халқ банкининг сайёр кассалари томонидан етказиб берилишини маълум қиламиз», дейилади хабарда.

NOVA24 Instagramʼda. Obuna boʻling
Asosiy yangiliklar va qiziqarli videolar