Солиқ ҳуқуқбузарлиги бўйича энг кўп қандай мурожаат келиб тушаётгани маълум қилинди

Мурожаатлар асосида 4 288 та сайёр солиқ текшируви ўтказилиб, 99,4 фоиз ҳолатда ҳуқуқбузарлик тасдиқланган.

Ўзбекистонда 2024 йил бошидан солиқ ҳуқуқбузарликлари ҳақида 17 мингдан ортиқ мурожаат йўлланган.

Солиқ қўмитасининг «Фискал таҳлиллар» Telegram каналида маълум қилинишича 2024 йил январь-февраль ойларида «Солиқ» мобил иловасининг «Солиқ ҳамкор» тизими орқали солиқ ҳуқуқбузарликлари ҳақида 17 859 та мурожаат келиб тушган.

Шундан:

• 16 646 таси харид чеки бермаслик;
• 799 таси тўловни пластик карта орқали қабул қилмаслик;
• 35 таси пластик карта учун харид суммасини ошириш;
• 399 таси бошқа турдаги ҳуқуқбузарлик ҳолатлари бўйича.
• Мурожаатларнинг 7 703 таси такрорий бўлганлиги ёки шикоят келиб тушган тадбиркорлик субъектида текширув давом этаётганлиги сабабли қайтарилган.

Мурожаатлар асосида 4 288 та сайёр солиқ текшируви ўтказилиб, 99,4 фоиз ҳолатда ҳуқуқбузарлик тасдиқланган.

Ҳуқуқбузарлик ҳолатлари бўйича хабар берган фуқароларга январь-февраль ойларида 5 177 та ҳолат бўйича (ундирилган жарима суммасидан 20 фоиз) 3,5 миллиард сўм мукофот тўланган.

NOVA24 TikTokʼda. Obuna boʻling
Asosiy yangiliklar va qiziqarli videolar