Пулли тўхтаб туриш жойларига доир талаблар белгиланди

Ушбу жойлардан фойдаланганлик учун тўлов миқдори қандай белгиланиши ҳам айтилган.

«Йўл ҳаракати тўғрисида»ги қонун билан пулли тўхтаб туриш жойларига доир талаблар белгиланди.

Президент томонидан имзоланган қонунга кўра, пулли тўхтаб туриш жойларининг эгалари ушбу жойлардан фойдаланганлик учун тўлов миқдорини Қорақалпоғистон Вазирлар Кенгаши, вилоятлар ва Тошкент шаҳар ҳокимликлари томонидан Иқтисодиёт ва молия вазирлиги билан келишилган ҳолда белгиланадиган чекланган миқдорлардан юқори бўлмаган тарифлар бўйича мустақил равишда белгилайди.

Бунда тўлов нақд пул шаклида ёки нақд пульсиз, тўлов тизимларидан, шу жумладан автоматлаштирилган тўлов тизимларидан фойдаланилган ҳолда амалга оширилади.

Пулли тўхтаб туриш жойларининг эгалари ушбу жойлардан бепул ёки имтиёзли фойдаланиш ҳуқуқи бериладиган фойдаланувчилар ҳамда транспортларнинг рўйхатини белгилаш ҳуқуқига эга. Улар, шунингдек:

• пулли тўхтаб туриш жойларидан фойдаланганлик учун автоматлаштирилган тўлов тизимини жорий этиши;
• пулли тўхтаб туриш жойлари ташкил этилган ҳудудда йўл белгилари ўрнатилишини, шунингдек видеокузатув тизимлари ёки қўриқлашнинг бошқа техник воситалари ўрнатилиши ва узлуксиз ишлашини таъминлаши;
• тўхтаб туриш жойининг кириш ёки ундан чиқиш жойига туташ бўлган тўхтаб туриш жойлари орасидан ногиронлиги бўлган шахслар бошқарадиган ёки уларни ташийдиган транспортлар учун жойлар ажратилишини таъминлаши шарт.

NOVA24 YouTubeʼda. Obuna boʻling
Asosiy yangiliklar va qiziqarli videolar