Paynet орқали ҳам нақд пул ечиб олиш мумкин бўлади

Синов муддати 2023 йилнинг декабрь ойигача давом этади.

1 июндан «Тартибга солиш қумдони» иштирокчиси Paynet орқали нақд пул ечиш хизмати синов тарзида ишга туширилади.

Мазкур хизматдан аҳоли «UzPaynet» кассалари орқали фойдаланишлари мумкин бўлади ҳамда синов муддати жорий йилнинг декабрь ойигача давом этади.

Аввалроқ Марказий банк «Тартибга солиш қумдони» иштирокчиси ҳисобланган Korzinka супермаркетлар тармоғи («Anglesey Food» МЧЖ ХКга қарашли) кассаларида банк карталаридан нақд пул ечиш хизмати йўлга қўйилганди.

Korzinka кассалари орқали банк карталари сақловчиларига нақд пул беришнинг вақтинчалик тартиби 28 апрель куни тасдиқланган. Синов 1 майдан жорий йил 1 ноябрига қадар давом этади.

NOVA24 TikTokʼda. Obuna boʻling
Asosiy yangiliklar va qiziqarli videolar