Oʻzbekistonda oltin quymalari narxi tarixiy maksimumni yangiladi

Bir gramm oltinning narxi bir million soʻmdan oshib ketdi.

28-mart kuni Oʻzbekistonda oʻlchovli oltin quymalari narxi tarixiy maksimumni yangilab, bir gramm oltin uchun 1 306 650 soʻmga yetdi, deya xabar bermoqda Markaziy bank.

Maʼlumotlarga koʻra, narxlar avvalgi kunga nisbatan 0,99 foizga, 20-mart kuni oʻrnatilgan avvalgi rekordga nisbatan esa 0,5 foizga oshgan.

Xususan, mamlakatda besh grammlik oltin quyma narxi 6,533 mln soʻmga yetdi. 2025-yilning yanvar-mart oylarida oltin quymalari 15,4 foizga, 2024-yilga nisbatan esa qariyb 43 foizga qimmatlashdi.

NOVA24 TikTokʼda. Obuna boʻling
Asosiy yangiliklar va qiziqarli videolar