O‘zbekistonda oltin quymalar narxi rekord darajada oshib ketdi

3-fevral holatiga ko‘ra, bir gramm oltin narxi 1,2 million so‘mga yaqinlashdi.

O‘zbekistonda 3-fevral, dushanba kuni oltin quyma va esdalik tangalar narxi rekord darajada oshdi. Bu haqda Markaziy bank ma’lum qildi.

Bir gramm oltin hozirda 1 million 197 ming 760 so‘mga baholanmoqda. Bu juma kungi narxdan 780 so‘mga ko‘p. Besh grammlik oltin quymaning narxi 5 million 989 ming so‘mni tashkil qilmoqda.

O‘zbekistonda 2025-yil 17-yanvardan boshlab 100 grammlik oltin quymalar ham sotuvga chiqarildi. Ularning narxi 3-fevral holatiga ko‘ra 119 million 776 ming so‘mni tashkil qilmoqda.

• 10 gramm oltin quyma narxi 11 million 978 ming som;
• 20 gramm oltin quyma narxi 23 million 955 ming so‘m;
• 50 gramm oltin quyma narxi 59 million 888 ming so‘mga teng bo‘ldi.

NOVA24 TikTokʼda. Obuna boʻling
Asosiy yangiliklar va qiziqarli videolar