O‘zbekistonda oltin quymalar narxi rekord darajada oshdi

1-sentyabr holatiga ko‘ra O‘zbekistonning oltin-valyuta zaxiralari 39,15 milliard dollarga yetdi.

O‘zbekistonda 23-sentyabr kuni oltin quyma va esdalik tangalar narxi yangi yuqori darajaga yetdi. Bu haqda Markaziy bank ma’lum qildi.

Bir gramm oltin tannarxi 1 108 980 so‘mni tashkil qildi va 20-sentyabrdagi narxga nisbatan 21,5 foizga qimmatladi. Besh grammlik oltin quyma uchun 5 million 545 ming so‘mdan taklif qilinmoqda.

Sentyabr oyi boshidan buyon mahalliy bozorda qimmatbaho metalning chakana narxi to‘rtinchi marta o‘zining maksimal qiymatini yangiladi. To‘qqiz oydan kamroq vaqt ichida u 30,8 foizga o‘sdi.

Markaziy bank ma’lumotlariga ko‘ra, 1-sentyabrda O‘zbekistonning oltin-valyuta zaxiralari 39,15 milliard dollarga yetdi.

NOVA24 TikTokʼda. Obuna boʻling
Asosiy yangiliklar va qiziqarli videolar